പെസഹാ പുതിയ നിയമ വീക്ഷണത്തില്‍ Inbox x

The Passover ----- പെസഹാ

പുതിയനിയമ വീക്ഷണത്തില്‍ !!!

സ്നേഹനിധിയായ യേശു തന്‍റെ വേര്‍പാടിനു മുന്‍പു തന്നെതന്നെ തന്‍റെ സഭക്കു, മണവാട്ടിക്കു ഭക്ഷണമായി  നല്കുന്ന ഒരു പ്രക്രിയയുടെ ഓര്‍മ്മ പുതുക്കലല്ലേ ?

" പിന്നെ അവന്‍ അപ്പം എടുത്തു ക്രുതജ്ഞതാസ്തോത്രം ചെയ്തു മുറിച്ചു അവര്‍ക്കുകൊടുത്തുകൊണ്ടു അരുളിചെയ്തു: ഇതു നിങ്ങള്‍ക്കുവേണ്ടി നല്കപ്പെടുന്ന എന്‍റെ ശരീരമാണു.എന്‍റെ ഓര്മ്മക്കായി നിങ്ങള്‍ ഇതു ചെയ്യുവിന്‍ " ( ലൂക്ക. 22: 19 )

എളിമയുടെ പര്യായമായ യേശു തന്‍റെ ശിഷ്യന്മാരെല്ലാം  എളിമയുള്ളവരായിരിക്കണമെന്നു കാണി ച്ചുകൊടുക്കാന്‍ തന്‍റെ ശിഷ്യന്മാരുടെ പാദങ്ങള്‍ കഴുകിയതിന്‍റെ ഓര്മ്മ പുതുക്കലല്ലേ ഇതു ?

ചുരുക്കത്തില്‍ വിശുദ്ധകുര്‍ബാനയും പൌരോഹിത്യവും സ്ഥാപിച്ചതിന്‍റെ ഓര്‍മ്മദിവസം ആചരിക്കുന്ന ദിവസമാണു ഇന്നെന്നു പറയാമല്ലോ ?

പെസഹാ ആചരണത്തിലും ,വിനയത്തിന്‍റെ സാക്ഷ്യമായ ,കാല്‍ കഴുകല്‍ ശൂസ്രൂഷയിലും, അപ്പം മുറിക്കലിലും,ഓരോ ഭവനവും പങ്കുചേരുമ്പോള്‍ അവരുടെ ഹ്രുദയങ്ങളില്‍ ദൈവീകസ്നേഹം നിറയട്ടെയെന്നു ആശംസിക്കുന്നു.

ആരാധന ക്രമം

രണ്ടാം വത്തിക്കാന്‍ കൌണ്‍ സിലിന്‍റെ പ്രമാണ രേഖയില്‍ നിന്നും .

SC = Sacrosanctum Concilium = ആരാധനക്രമം .

ആരാധനക്രമത്തിന്‍റെ ഘടകങ്ങള്‍.

ആരാധനക്രമം വ്യക്തിപരമോ,രഹസ്യമോ ആയ ആചരണമല്ല.പ്രത്യുത അതു സഭ്യയുടെ ഔദ്യോഗിക ആചരണങ്ങളാണു.

പരി.കുര്‍ബാനയും, മറ്റുകൂദാശകളും, കൂദാശാനുകരണങ്ങളും, യാമപ്രാര്ത്ഥനകളുമാണു. ഇവ ഓരോന്നും വിശ്വാസിയുടെ സഭാപരവും, വ്യക്തിപരവുമായ ജീവിതത്തില്‍ വിവിധകാലങ്ങളിലെ വിശ്വാസപ്രഖ്യാപനങ്ങളാണു.

മാമോദീസാ. ( SC. 64 - 70 )

സഭാപ്രവേശനത്തിന്‍റെ പ്രഘോഷണമായ മാമോദീസായില്‍ യേശുവിന്‍റെ മരണത്തിന്‍റെയും ഉത്ഥാനത്തിന്‍റെയും, ദിവ്യരഹസ്യങ്ങള്‍ അനുസ്മരിക്കുകയും, ആഘോഷിക്കുകയും ചെയ്യുന്നു. മാമോദീസാ വഴി ഓരോ വിശ്വാസിയ്യും വേര്തിരിക്കപ്പെടുകയും, ത്രിത്വൈകദൈവത്തിന്‍റെ കൂട്ടായ്മയിലേക്കു സ്വന്തമാക്കപ്പെടുകയും ചെയ്യുന്നു. തല്ഫലമായി വിശ്വാസി ദൈവപുത്രസ്ഥാനത്തേക്കു ഉയര്ത്തപ്പെടുന്നു. മാത്രമല്ല സഭാശരീരത്തിലെ അംഗമാകുകയും ചെയ്യുന്നു. ദൈവമക്കളായി പുനര്‍ ജന്മം പ്രാപിച്ച അവര്‍ ദൈവത്തില്‍ നിന്നും സഭ വഴിലഭിച്ച വിശ്വാസം മറ്റു മനുഷ്യരുടെ മുന്‍പില്‍ ഏറ്റുപറയുവാന്‍ കടപ്പെട്ടിരിക്കുന്നുവെന്നു കൌണ്സില്‍ പഠിപ്പിക്കുന്നുണ്ടു. ( തിരുസഭ 11 )

കര്ത്ത്രുപ്രാര്ത്ഥനയും അന്നന്നു വേണ്ടുന്ന ആഹാരവും

കര്ത്ത്രു പ്രാത്ഥനയും Daily bred ഉം !

അന്നന്നു വേണ്ടുന്ന ആഹാരം മനുഷ്യന്‍ അധ്വാനിച്ചു ഉണ്ടാക്കുന്നു. എന്നാല്‍ daily bred ഞങ്ങള്‍ക്കു ആവശ്യമുള്ള അപ്പം - ആത്മാവിന്‍റെ അപ്പം _ അതു ദൈവത്തിന്‍റെ ദാനമാണു . അതാണു ആവശ്യപ്പെടുന്നതു !

കര്‍ത്ത്രു പ്രാര്‍ത്ഥന .

ശിഷ്യന്മാര്‍ യേശുവിനോടു അപേക്ഷിച്ചു ഞങ്ങളെ പ്രാര്ത്ഥിക്കാന്‍ പഠിപ്പിക്കണമേ  എന്നു .

ശിഷ്യന്മാര്‍ക്കു പ്രാര്ത്ഥിക്കാന്‍ അറിഞ്ഞുക്കൂടെന്നു വിചാരിക്കണമോ ?   

 ഒരു യഹൂദനു  പ്രാര്ത്ഥിക്കാന്‍ അറിഞ്ഞുകൂടെന്നു എങ്ങനെ ചിന്തിക്കും ?

അവരുടെ പ്രാര്‍ത്ഥന ചെറുപ്പം മുതലേ അവര്‍ പഠിക്കും  അപ്പോള്‍ ആ പ്രാര്ത്ഥനയല്ല ശീഷ്യര്‍ ഉദ്ദേശിച്ചതെന്നു വ്യക്തം .

അവര്‍ കാണുന്ന ഒരു കാര്യം യേശു പിതാവുമായി ബ്ന്ധപ്പെടുന്നതു പ്രാര്ത്ഥനയില്‍ കൂടിയാണു.അതിനു എന്തോ പ്രത്യേകത അവര്‍ കാണുന്നു. അതുപോലെ പ്രാര്ത്ഥിക്കനാണു അവര്‍ ആഗ്രഹിക്കുന്നതു. അതിനു അവരെ സഹായിക്കാനാണു യേശുവിനോടു അവര്‍ ആവശ്യപ്പെടുന്നതു . അവരുടെ ആഗ്രഹം യേശു സാധിച്ചുകൊടുക്കുന്നതു കര്ത്ത്രുപ്രാര്ത്ഥനപഠിപ്പിച്ചു കൊണ്ടാണു . "സ്വര്‍ഗസ്ഥനായ പിതാവേ എന്നപ്രാര്ത്ഥനയില്‍ ശരിയായ പ്രാര്ത്ഥനയുടെ രൂപവും ചൈതന്യവും ദര്‍ശിക്കുവാന്‍ കഴിയും.

പിതവേ ! എന്ന സംബോധന ഒരുവനില്‍ ശീശു സഹജമായ പ്രതീതിഉളവാക്കുന്നു.പിതാവു സ്വര്‍ഗസ്ഥനാണെന്നുള്ള ചിന്ത അവനില്‍ ഭക്തിയും ആദരവും ഉളവാക്കുന്നു.

അദ്യത്തെ മൂന്നു കാര്യങ്ങളും ദൈവത്തെ സംബന്ധിക്കുന്നവയാണു.

1) ദൈവത്തിന്‍റെ തിരുനാമം പരിശുദ്ധമാകപ്പെടണം
2) ദൈവരാജ്യം വരണമേ ( ദൈവരാജ്യം സം സ്താപിതമാകണം )
3)അവിടുത്തെ തിരുഹിതം നിറവേറണം

ഇവയെല്ലാം ദൈവത്തെ സംബന്ധിക്കുന്നകാര്യങ്ങളാണു. എങ്കിലും മനുഷ്യന്‍ ദൈവത്തോടു നടത്തുന്ന ഒരു യാചനയാണു.

ഈ പ്രാര്‍ത്ഥന ചൊല്ലുന്നവര്‍ സ്രിഷ്ടാവെന്നനിലയില്‍ അവിടുത്തെ പ്രവര്ത്തനങ്ങള്‍   മനസിലാക്കി അംഗീകരിക്കുകയാണു ചെയ്യുന്നതു.

ദൈവത്തിന്‍റെ തിരുഹിതം നിറവേറണം .അതു സ്വര്‍ഗത്തിലേപ്പോലെ ഭൂമിലും ആകണം,സ്വര്‍ഗത്തില്‍ അതു നിറവേറിക്കഴിഞ്ഞു എന്നാല്‍ അതു ഭൂമിയില്‍ നിറവേറാന്‍ ഇരിക്കുന്നതേയുള്ളു. യേശുവിന്‍റെ മരണത്തോടെ ദൈവരാജ്യം ഭൂമിയില്‍ സംസ്ഥാപിതമായി പക്ഷേ അതിന്‍റെപൂര്ണത യേശുവിന്‍റെ രണ്ടാം വരവിലാണു നിറവേറുക. സ്വര്‍ഗരാജ്യ പ്രവേശനത്തിനുള്ള പ്രധാന വ്യവസ്ത ദൈവതിരുമനസു നിറവേറ്റുകയെന്നുള്ളതാണു. ദൈവതിരുമനസു ദൈവത്തിന്‍റെ രക്ഷാകര പദ്ധതിയും അതുമായി ബന്ധപ്പെട്ട അവിടുത്തെ ആഗ്രഹവുമാണു. ഈ പ്രാര്ത്ഥനയിലൂടെ നാം അപേക്ഷിക്കുന്നതു ദൈവത്തിന്‍റെ രക്ഷാകര പദ്ധതി യാഥാര്ത്ഥ്യമായിതീരണമെന്നാണു.
അവസാനത്തെ മൂന്നുയാചനകള്‍ മനുഷ്യന്‍റെ ആവശ്യങ്ങള്‍ ഉള്‍കൊള്ളുന്നവയാണു. ആവശ്യമുള്ള അപ്പത്തിനു‌വേണ്ടിയാചിക്കുന്നു.

( അപ്പമെന്നു പറഞ്ഞതു ദൈനംദിനമുള്ല ആഹാരമാണെന്നു ധരിക്കുന്നതില്‍ നല്ലതു യേശു മനുഷ്യ്ര്‍ക്കായി തരുവാന്‍പോകുന്ന ,അപ്പത്തില്‍ വസിക്കുന്നയേശുവിനെ, തന്നെ തരണമെന്നാണു ആവശ്യപ്പെടുന്നതു .കാരണം യേശു തരുവാന്‍ പോകുന്ന അപ്പത്തിന്റെ കാര്യം അവിടുന്നു യോഹന്നാന്‍ 6 ല്‍ പരാമര്‍ശിക്കുന്നുണ്ടൂ.   " നശ്വരമായ അപ്പത്തിനുവേണ്ടി അധ്വാനിക്കാതെ മനുഷ്യപുത്രന്‍ തരുന്ന നിത്യജീവന്‍റെ അനശ്വരമായ അപ്പത്തിനുവേണ്ടി അധ്വാനിക്കുവിന്‍ "  (യൊഹ.6:27 )

അവിടുന്നു വീണ്ടും പറയുന്നു " ഞാനാണു ജീവന്‍റെ അപ്പം എന്‍റെ അടുത്തു വരുന്നവനു ഒരിക്കലും വിശക്കുകയില്ല. എന്നില്‍ വിശ്വസിക്കുന്നവനു ദാഹിക്കുകയുമില്ല" ( 6:35 )

വീണ്ടും പറയുന്നു. മരുഭൂമിയില്‍ വെച്ചു മന്നാ ഭക്ഷിച്ചവര്‍ മരിച്ചു എന്നാല്‍ മനുഷ്യന്‍ ഭക്ഷിക്കുന്നതിനുവേണ്ടി സ്വര്‍ഗത്തില്‍ നിന്നും ഇറങ്ങിയ  അപ്പം ഭക്ഷിക്കുന്നവന്‍ മരിക്കുകയില്ല .ലോകത്തിന്‍റെ  ജീവനുവേണ്ടി ഞാന്‍ നല്കുന്ന അപ്പം എന്‍റെ ശരീരമാണു " (6: 49 - 51 )

അതിനാല്‍ യേശു ശിഷ്യന്മാരെ പഠിപ്പിച്ച പ്രാര്ത്ഥനയില്‍ പറയുന്ന അപ്പവും തന്‍റെ ശരീരമാകുന്ന അപ്പത്തെപ്പറ്റിയാണു , )

അന്നന്നു വേണ്ടുന്ന ആഹാരം എന്നുപറയുന്നതു മനുഷ്യന്‍റെ ശരീരത്തിനു ആവശ്യമായ ആഹാരമാണു .എന്നാല്‍ " daily bred " എന്നുപറയുന്നതു ശരീരത്തിന്‍റെ ഭക്ഷണമല്ലെന്നും ആത്മാവിന്‍റെ ഭക്ഷണമാണെന്നും പറയുന്നവര്‍ ഉണ്ടു . അതാണു കൂടുതല്‍ അര്ത്ഥവത്തായി തോന്നുക.

ഞ്ങ്ങളുടെ കടക്കാരോടു ഞ്ങ്ങള്‍ ക്ഷമിക്കുന്നതുപോലെ ( പ്സീത്താബൈബിളില്‍ ഞങ്ങള്‍ ക്ഷമിച്ചതുപോലെയെന്നാണു ) കടങ്ങള്‍ എന്നുപറയുന്നതു ചെയ്യേണ്ട കാര്യങ്ങള്‍ ചെയ്യാതെയിരിക്കുന്നതാണു.നമ്മള്‍ ചെയ്യാന്‍ ദൈവം കല്പിച്ചകാര്യങ്ങള്‍ നമ്മള്‍ ചെയ്യാതെയിരിക്കുന്നതാണു കടങ്ങള്‍ . നമ്മുടെ കടങ്ങളും പാപങ്ങളും നമ്മോടു ദൈവം ക്ഷമിക്കാന്‍ എറ്റവും നല്ലമാര്‍ഗം നമ്മുടെ കടക്കാരോടു നമ്മള്‍ ക്ഷമിക്കുന്നതാണു.(മത്താ18:23-25 )
പ്രലോഭനത്തില്‍ ഉള്‍പ്പെടുത്തരുതേ .

ഇതു പാപം ചെയ്യാനുള്ള പ്രലോഭനത്തെക്കാള്‍ വിശ്വാസത്യാഗത്തിനുള്ള പ്രലോഭനമാണു, " അവര്‍ കുറേ കാലത്തേക്കു വിശ്വസിക്കുന്നു. എന്നാല്‍ പ്രലോഭനങ്ങളൂടെ കാലത്തു വീണുപോകുന്നു . ( ലൂക്ക 8: 13 )
ദൈവത്തെ ഉപേക്ഷിക്കാന്‍ ഒരിക്കലും ഇടവരരുതേ എന്നാണു നാം പ്രാര്ത്ഥിക്കുന്നതു. ദൈവം ആരേയും പരീക്ഷിക്കുന്നില്ല.

ദുഷ്ടനില്‍ നിന്നു ഞ്ങ്ങളെ രക്ഷിക്കണമേ എന്നുള്ളതു ദുഷ്ഠാരൂപിയില്‍ നിന്നുള്ള മോചനമല്ല. സ്വര്‍ഗസ്ഥനായ ഞങ്ങളുടെ പിതാവേ എന്ന സംബോധനക്കുശേഷം വരുന്നരണ്ടു ഗണം യാചനകള്‍ ദൈവസ്നേഹത്തേയും മനുഷ്യസ്നേഹത്തേയും ആസ്പത മാക്കിയുള്ളതാണു.

പാപമോചനത്തിനായുള്ള യാചന ഒരു ജീവിതനിയമം പോലെ ക്രോഡീകരിച്ചിരിക്കുന്നു .ഇതു (കര്ത്ത്രുപ്രാര്ത്ഥന) ഒരു ജീവിതക്രമം കൂടി ഉള്‍കൊള്ളുന്നു. പാപമോചനത്തിനായുള്ള യാചന മറ്റുള്ളവരുടെതെറ്റുകള്‍ ക്ഷമിക്കുവാനുള്ള ഒരു പ്രതിജ്ഞകൂടിയാണു.

ഒന്നും വലിച്ചെറിയരുതു

ഭക്ഷണസാധനങ്ങള്‍ ഒന്നും വലിച്ചെറിയരുതു !

അവന്‍ ശിഷ്യന്മാരോടു പറഞ്ഞു: ഒന്നും നഷ്ടപ്പെടാതെ മിച്ചമുള്ള കഷണങ്ങളെല്ലാം ശേഖരിക്കുവിന്‍.  ( യോഹ.6:12 ) പന്ത്രണ്ടുകുട്ട നിറയെ അവര്‍ ശേഖരിച്ചു

വിജനപ്രദേശത്തു ദിവസം മുഴുവന്‍ വചനം കേട്ടു തളര്ന്ന മനുഷ്യരെ പറഞ്ഞുവിടാന്‍ ശിഷ്യന്മാര്‍ പറഞ്ഞിട്ടുപോലും അവരെ പറഞ്ഞുവിടാന്‍ യേശുവിനു മനസുവന്നില്ല. അന്‍ചു അപ്പംകൊണ്ടു അയ്യായിരം പുരുഷന്മാരേയും സ്ത്രീകളേയും കുഞ്ഞുങ്ങളേയും അവന്‍ തീറ്റിത്രിപ്തരാക്കി ബാക്കിവന്ന കഷണങ്ങള്‍ 12 കുട്ടനിറച്ചു എടുക്കുകയും ചെയ്തു.

നമ്മളാണെങ്ങ്കില്‍ എന്തു ചെയ്യുമായിരുന്നു ?

യാത്രചിലവിനുള്ള പണം കൈയില്‍ വെച്ചിട്ടു ബാക്കിയുള്ലതെല്ലാം ബക്കറ്റില്‍ നിക്ഷേപിച്ചിട്ടു എല്ലാവരും പിരിഞ്ഞുപോകണം. ബക്കറ്റു വോളന്‍ റ്റിയേഴ്സ് സൂക്ഷിച്ചു കൈകാര്യം ചെയ്യണം. തെള്ളൂണ്ടാകാതിരിക്കാന്‍ ബക്കറ്റു വിവിധ സ്ഥലങ്ങളില്‍ എത്തിക്കുക. ( അവര്‍ പോകുന്നതിനു മുന്‍പു അവസാനത്തെ പിഴിച്ചില്‍ കൂടി കഴിഞ്ഞേ വിടൂ)

എന്നാല്‍ യേശു പറഞ്ഞു അവര്‍ പോകേണ്ടതില്ല. വഴിയില്‍ അവര്‍ തളര്ന്നു വീണേക്കാം .അവര്‍ക്കു ഭക്ഷണം കൊടുത്തേ വിടാവൂ. ഇതാണു നമ്മള്‍ കണ്ടു പഠിക്കേണ്ടതു . അവരെ സഹായിക്കുന്നതിനു  പകരം   അവസരം കിട്ടുമ്പോഴെല്ലാം അവരെ പിഴിയുന്നതു യേശു വെറുക്കുന്നു.

മറ്റോരു വലിയകാര്യം യേശു പഠിപ്പിച്ചതു ആവശ്യം കഴിഞ്ഞുള്ലതൊന്നും വലിച്ചെറിയരുതു. വിശപ്പടക്കാന്‍   ഒരു അപ്പക്കഷണത്തിനുവേണ്ടി ആഗ്രഹിക്കുന്നവര്‍ ഈ ലോകത്തില്‍ ധാരാളം പേരുണ്ടൂ .എന്‍റെ വീട്ടില്‍ ഒരു വറ്റുപോലും നഷ്ടപ്പെടുത്തുകില്ലായിരുന്നു. എന്നാല്‍ ഇപ്പോള്‍ ഭക്ഷനസാധനങ്ങള്‍ വലിച്ചെറിയുന്നതു കണ്ടു സങ്കടപ്പെടാറുണ്ടു. പലപ്പോള്‍ പറഞ്ഞു.ഇപ്പോള്‍ പറച്ചില്‍ നിര്ത്തി. പലവീടുകളിലും ഇതാണു കാണുന്നതു.

ഇന്നു വന്നു വന്നു ജീവനെപ്പോലും വലിച്ചെറിയുന്നു. ഒന്നോ രണ്ടോ കഴിഞ്ഞുള്ലതെല്ലാം ആവശ്യമില്ലാത്തതാണെന്നു കരുതി നിഷ്കരുണം വലിച്ചെറിയുന്നു. അതു കൊലപാതകമാണെന്നു പലരും അറിയുന്നില്ല. ജീവന്‍റെ വില അവര്‍ മനസിലാക്കുന്നില്ല. ഒരു പക്ഷേ വയസാകുമ്പോള്‍ അവരെനോക്കാനായി ദൈവം കൊടുത്ത ഒരു മകനെ ആയിരിക്കാം അവര്‍ വലിച്ചെറിഞ്ഞതു. അതുകാരണം അവരെ നോക്കാന്‍ ആളില്ലാതെ വയസാം കാലത്തു അവരും വല്ല അനാഥമംദിരങ്ങളിലേക്കു വലിച്ചെറിയപ്പെടുന്നു. സ്വയം കുഴിച്ച കുഴിയില്‍ സ്വയം വീഴുന്നു.

രോഗികള്‍ക്കാണു വൈദ്യനെക്കൊണ്ടു ആവശ്യം

" ആരോഗ്യം ഉള്ളവര്‍ക്കല്ല രോഗികള്‍ക്കാണു വൈദ്യനേകൊണ്ടൂ ആവശ്യം !

ആരാണു രോഗി ? ആര്‍ക്കാണു സൌഖ്യം ലഭിക്കുക ?     രോഗമുണ്ടെന്നും,വൈദ്യന്‍ ആരാണെന്നും അറിയുന്നവര്‍ക്കാണു സൌഖ്യം ലഭിക്കുക.

ഒരിക്കല്‍ വലിയ ജനക്കൂട്ടം യേശുവിനെ തിക്കിതിരക്കി മുന്‍പോട്ടു യാത്ര ചെതപ്പോള്‍ ആ കൂട്ടത്തില്‍ ധാരാളം രോഗികള്‍ ഉണ്ടായിരുന്നു.പക്ഷേ സൌഖ്യം ലഭിച്ചതു   ഒരാള്‍ക്കു  മാത്രം !

രക്തസ്രാവക്കാരി സ്ത്രീ അവള്‍ രൊഗിയാണെന്നു അറിഞ്ഞു.വൈദ്യനേയും അവള്‍ അറിഞ്ഞു .അവന്‍റെ വസ്ത്രത്തില്‍ ഒന്നു തൊട്ടാല്‍ മാത്രം മതി എനിക്കു സൌഖ്യം ലഭിക്കുമെന്നു അവള്‍ ഉള്ളില്‍ വിചാരിച്ചിരുന്നു, അവള്‍ യേശുവിന്‍റെ വസ്ത്രത്തില്‍ സ്പര്‍ശിച്ചപ്പോള്‍ തന്നെ അവള്‍ക്കു സൌഖ്യം ലഭിച്ചു.   (മത്താ.9:20 - 21 )

രോഗികളാണെങ്കിലും വൈദ്യനെ അറിയാത്തവരും, അറിഞ്ഞിട്ടും ഉടക്കു ചോദ്യവുമായി വരുന്നവര്‍ ഒരിക്കലും സൌഖ്യപ്പെടില്ല.

ഈ കൂട്ടര്‍ നിക്കോദേമോസിന്‍റെ ചോദ്യങ്ങള്‍ കടമെടുത്തവരാണു.വീണ്ടും ജനിക്കണമെന്നു യേശു  പ റഞ്ഞപ്പോള്‍  ഒരു മനുഷ്യനു അമ്മയുടെ ഉദരത്തില്‍ കയറി വീണ്ടും ജനിക്കുക അസാധ്യമാണെന്നു അറിയാമെങ്കിലും വെറും ഉടക്കു ചോദ്യവുമായി വരും? അമ്മയുടെ  ഉദരത്തില്‍ എങ്ങനെ കയറും ?

ഈ കൂട്ടര്‍ ഒരിക്കലും സൌഖ്യം പ്രാപിക്കില്ല. ഒരു ലേഖനം കണ്ടാല്‍ അതു വായിച്ചു അതിന്‍റെ പ്രമേയം എന്തെന്നു മനസിലാക്കില്ല. പകരം അറ്റവും വാലും വായിച്ചിട്ടു ആ ലേഖനത്തോടു ഒരു ബന്ധവും ഇല്ലാത്ത ഉടക്കു ചോദ്യങ്ങളുമായി വരും. ഈ കൂട്ടര്‍ ഒരിക്കലും രോഗമെന്തെന്നോ ,വൈദ്യന്‍ ആരെന്നോ മനസിലാക്കാത്തവരും ഒരിക്കലും സൌഖ്യം ലഭിക്കാത്തവരുമാണു. 

പരസ്യപാപിയും രഹ്സ്യപാപിയും

ഞാന്‍ എപ്പോഴും സഭയുടെ വാക്താവായാണു പറയാറു.സഭയുടെ പഠിപ്പിക്കലില്‍ ഉറച്ചു നില്ക്കുന്നു. എന്നാല്‍ ഇതു എന്‍റെ സ്വന്തം അഭിപ്രായമാണു.  ആ വിധത്തിലെ ഇതിനെ കാണാവൂ.പക്ഷേ സഭക്കു എതിരാണെന്നു ധരിക്കുകയും അരുതു .

രഹസ്യപാപിയും പരസ്യപാപിയും !

രഹസ്യപാപിയെ ദൈവം വെറുക്കുന്നു. പരസ്യപപിയോടു ദൈവം കരുണകാണിക്കുന്നു.

ആരാണു രഹസ്യപാപി ?

ആളുകളുടെ മുന്‍പില്‍ നല്ലപിള്ളചമഞ്ഞു നടക്കുകയും രഹസ്യമായി കള്ളുകുടിയും പെണ്ണുപിടിയും ,വ്യഭിചാരത്തിനു വിധവകളേയും,പെണ്‍കുട്ടികളേയും പ്രേരിപ്പിക്കുകയും അതേ സമയം പരസ്യമായി സന്മാര്‍ഗം പഠിപ്പിക്കുകയും ,ഒരു പക്ഷേ സുവിശേഷം പ്രസംഗിക്കുകയും, ദിവ്യബലി അര്‍പ്പിക്കുകയും ഒക്കെ ചെയ്യുന്നകൂട്ടരാണു രഹസ്യപാപികള്‍ .ഇക്കൂട്ടരെ ദൈവം വെറുക്കുന്നു. ഇവരെയാണു യേശു " വെള്ളയടിച്ച കുഴിമാടങ്ങളേ "  യെന്നു വിളിച്ചതു . ഈ കൂട്ടരെ ദൈവം വെറുക്കുന്നു. ഇവര്‍ക്കു മനുഷ്യന്‍റെ കണ്ണില്‍ മാത്രമേ പൊടിയിടാന്‍ സാധിക്കൂ !

ആരാണു പരസ്യപാപികള്‍ ?

ഇവര്‍ കള്ളുകുടിയും, പെണ്ണുപിടിയും, അടിപിടിയിലും, വ്യഭിചാരത്തിലും, ബലാല്‍ സംഘത്തിലും ഒക്കെ പ്രതിയായവരും വഴിയില്‍ വീണുകിടക്കുന്നവരുമൊക്കെ ആകാം. ഇവരെ പരസ്യപാപികളായി ജനം മുദ്രകുത്തുകയും ഒരു പക്ഷേ ഇവരെ ജനം ഭയപ്പെടുകയും ചെതെന്നു വരാം . ദൈവത്തിന്‍റെയും മനുഷ്യരുടേയും മുന്‍പില്‍ ഇവര്‍ പാപികളാണു. പക്ഷേ ദൈവം ഇവരോടു കരുണകാണിക്കും. കാരണം ഇവര്‍ക്കു മുഖം മൂടിയില്ല. ഒള്ളതു ഒള്ളതുപോലെ മനുഷ്യരേയും ദൈവത്തെയും കാണിക്കുന്നു. ഇവര്‍ മറ്റവരെക്കാള്‍ കൂടുതല്‍ തുറവിയുള്ളവരാണു.മറ്റേ കൂട്ടര്‍ എപ്പോഴും മുഖം മൂടി അണിഞ്ഞിരിക്കുന്നു. ചിരിക്കുന്ന മുഖത്തിനു പ്റകില്‍ ഇവര്‍ക്കു കടിച്ചു കീറുന്ന ഒരു മുഖം കൂടിയുണ്ടു .

ഹ്രുദയ പരമാര്ത്ഥതയില്ല. കുഞ്ഞുങ്ങളെ സല്സ്വഭാവം ഉള്ളവരായി വളര്ത്തണമെന്നു മാതാപിതാക്കളെ ഉപദേശിക്കുകയും ,അവരുടെ അസാന്നിധ്യത്തില്‍ കുഞ്ഞുങ്ങളെ പാപത്തിലേക്കു ആകര്ഷിക്കുകയും ചെയ്യും . ഇവരെ എപ്പോഴും ദൈവം വെറുക്കുന്നു. എന്നാല്‍ പരസ്യ പാപിനിയോടും, കനാന്‍ കാരിസ്ത്രീയോടും ,വ്യഭിചാരത്തില്‍ പിടിക്കപ്പെട്ടവളോടും ഒക്കെ ദൈവം  കാരുണ്ണ്യപൂര്‍വമാണു പെരുമാറിയതു .

ഇന്നു സഭയില്‍ രഹസ്യപാപികളുടെ , മുഖം മൂടിധരിച്ച പാപികളൂടെ എണ്ണം കൂടീ വരുന്നു. ഇതു അല്മായരുടെ ഇടയില്‍ മാത്രമല്ല ,എല്ലാതലങ്ങളിലും കാണാന്‍ സാധിക്കുന്നു.

ദൈവമേ അങ്ങയുടെ ഇടപെടല്‍ അനിവാര്യമാണെല്ലോ !

പഴയതിന്‍റെ പൂര്ത്തീകരണമാണു പുതിയതു

കത്തോലിക്കാസഭയുടെ പ്രബോധനങ്ങള്‍ക്കു വിപരീതമായി ചില സഹോദരങ്ങള്‍ ചിന്തിക്കുകയും ,പ്രസംഗിക്കുകയും ചെയ്യുന്നു.

യേശുവിന്‍റെ വരവോടെ പഴയതെല്ലാം അവസാനിച്ചു പുതിയതു വന്നുഅതിനാല്‍ പഴയനിയമം നോക്കേണ്ടാ,വായിക്കേണ്ടാ, പഠിക്കേണ്ടാ, പുതിയനിയമം മാത്രം മതിയെന്നു .

ഇതു സഭയുടെ പഠിപ്പിക്കലിനു വിപരീതമാണു.

സഭ യുടെ പഠിപ്പിക്കല്‍      പഴയതിനും പുതിയതിനും  ഒരുപോലെ പ്രാധാന്യം നല്കുന്നു

പഴയതിന്‍റെ പൂര്ത്തീകരണമാണു പുതിയതു . രണ്ടും ഒരുപോലെ ദൈവനിവേശിതമാണു. രണ്ടൂം ഒരുപോലെ ബഹുമാനിക്കപ്പെടേണ്ടതാണു.

ccc 121 മുതല്‍ 142 വരെ പരിശോധിച്ചാല്‍ മനസിലാകും സഭ എന്തുമാത്രം പ്രാധാന്യം രണ്ടു പുസ്തകത്തിനും നല്കുന്നുവെന്നു.യേശുവന്നതു ഒന്നും കളയുവാനോ നിരാകരിക്കാനോ അല്ല പൂര്ത്തിയാക്കാനാണു.

യേശുവിന്‍റെ കാലത്തു തന്നെ ഇതിനെപറ്റി ചിലര്‍ക്കു സംശയമുണ്ടായപ്പോള്‍ യേശു കൊടുത്ത മറുപടി ശ്രദ്ധേയമാണു.യേശു വന്നതു പഴയതിനെ ഇല്ലാതാക്കുവാനാണെന്നു ധരിച്ചവരോടാണു പറഞ്ഞതു
" നിയമത്തെയോ പ്രവാചകന്മാരെയോ അസാധുവാക്കാനാണു ഞാന്‍ വന്നതെന്നു നിങ്ങള്‍ വിചാരിക്കരുതു .അസാധുവാക്കാനല്ല പൂര്ത്തിയാക്കാനാണു ഞാന്‍ വന്നതു . ആകാശവും ഭൂമിയും കടന്നുപോകുന്നതുവരെ , സമസ്തവും നിറവേറുവോളം നിയമത്തില്‍ നിന്നു വള്ളിയോ പുള്ളിയോ മാറുകില്ലെന്നു സത്യമായി ഞാന്‍ നിങ്ങളോടു പറയുന്നു. " ( മത്താ.5: 17 - 18 )

ഇതുതന്നെയാണു സഭയും പഠിപ്പിക്കുന്നതു .ഉല്പത്തിമുതല്‍ വെളിപാടുവരെയുള്ള പുസ്തകങ്ങള്‍ എല്ലാം തന്നെ ദൈവനിവേശിതമാണു. അതില്‍ നിന്നു ഒരു വാക്കുപോലും കളയാനോ വിപരീതമായി പഠിപ്പിക്കുവാനോ ആര്‍ക്കും സാധിക്കില്ല. ആരെങ്കിലും അങ്ങനെ ചെയ്താല്‍ അവന്‍ ചെറിയവനെന്നു വിളിക്കപ്പെടും .

" ഈ പ്രമാണങ്ങളില്‍ ഏറ്റവും നിസാരമായ ഒന്നു ലംഘിക്കുകയോ ലംഘിക്കാന്‍ മറ്റുള്ലവരെ പ ഠിപ്പി ക്കുകയോ  ചെയ്യുന്നവന്‍ സ്വ്ര്‍ഗരാജ്യത്തില്‍ ചെറിയവനെന്നു വിളിക്കപ്പെടും.എന്നാല്‍ അതു അനുസരിക്കുകയും പഠിപ്പിക്കുകയും ചെയ്യുന്നവന്‍ സ്വര്‍ഗരാജ്യത്തില്‍ വലിയവനെന്നു വിളിക്കപ്പെടും ."  (മത്താ.5:19 )

സഭപഠിപ്പിക്കുന്ന മറ്റൊരു പ്രധാപ്പെട്ട വിവരമാണു പരിശുദ്ധകുര്‍ബാനക്കു നാം കൊടുക്കുന്ന ആദരവിനും ബഹുമാനത്തിനും തുല്ല്യമായിതന്നെ ദൈവവചനത്തിനും ( ബൈബിളിനും ) നാം ആദരവും ബഹുമാനവും കൊടുക്കുന്നു.

ലിറ്റര്‍ജിക്കു പഴയനിയമവും ,പുതിയനിയമവും ഒരുപോലെ ഉപയോഗിക്കുന്നു.

ഇത്രയും നേരം ഞാന്‍ പറഞ്ഞതു പഴയതു കഴിഞ്ഞുപോയി പുതിയതു വന്നു അതിനാല്‍ പഴയതിനു ഇനിയും പ്രാധാന്യമില്ലെന്നു ആരെങ്കിലും പറഞ്ഞാല്‍ അ്തു കത്തോലിക്കാസഭയുടെ പ്രബോധനമല്ല.
ദൈവത്തിനു മഹത്വം