നസ്രാണിക്രിസ്ത്യാനികളുടെ പിതാവു !
യേശുവും പരിശുദ്ധ അമ്മയും കഴിഞ്ഞാല് ഒന്നാം സ്ഥാനം കൊടുക്കേണ്ടതു നമ്മുടെ പിതാവായ വി. തോമ്മാശ്ളീഹായിക്കാണു .
വിതോമ്മാശ്ളീഹായാണു നമ്മുടെ പിതാവു !
ഏറ്റവും വലിയ പ്രാര്ത്ഥനയാണു വി.ബലി (കുര്ബാന )
നൊവേനക്കു പോകുന്നതു തെറ്റല്ല .
പക്ഷേ ബലിയില് സംബംന്ധിക്കാതെ നൊവേനക്കു മാത്രം പോകുന്നതു ശരിയല്ല. .
നാം പ്രാര്ത്ഥിക്കേണ്ടതു കാര്യസാധ്യത്തിനല്ല
പിന്നെയോ ദൈവതിരു ഹിതം നിറവേറാനാണു.
അതുകൊണ്ടു യാചന പ്രാര്ത്ഥന വേണ്ടെന്നല്ല.
എന്റെ ഹിതമല്ല അങ്ങയുടെ തിരുഹിതം നിറവേറട്ടെയെന്നു പറയാന് നമുക്കു ആകണം !
തലമറന്നു എണ്ണതേക്കുന്നവര് ?
ചെയ്യുന്നതില് എന്തെങ്കിലും തെറ്റുണ്ടെന്നു ഒരിക്കലും മനസിലാക്കാത്തവര് !
തോമ്മാശ്ളീഹായിക്കു കൊടുക്കേണ്ട ബഹുമാനം കൊടുക്കാതെ കാര്യ സാധ്യത്തിനുവേണ്ടി ,വി. യൂദാശ്ളീഹായിക്കും, വി. അന്തോണീസ് പിതാവിനും, വി.ഗീവര്ഗീസ് സഹദായിക്കും ബഹുമാനവും ആദരവും കൊടുക്കുമ്പോള് അവര് എന്തെങ്കിലും തെറ്റു ചെയ്തെന്നു അവര്ക്കു തോന്നില്ല, തെറ്റാണെന്നു ഞാനും പറയുന്നില്ല. തോമ്മാശ്ളീഹായെ മറന്നിട്ടു അധവാ അന്നു ഒരു കുര്ബാനക്കുപോലും പോകാതെ മറ്റുളളവരുടെ നൊവേനക്കും മറ്റും പോകുന്നതു തല മറന്നു എണ്ണ തേക്കുന്നതിനു തുല്ല്യമാണു.
അച്ചന്മാരുടെ നമസ്കാരത്തില് ഇപ്രകാരം പറയുന്നു.
മുഖശോഭയോടെ പത്രോസിന്റെ കൂടെ തോമ്മാശ്ളീഹായും മഹത്വത്തിന്റെ ദിനത്തില് യേശുവിന്റെ മുന്പില് വന്നു തന്റെ സഭയെ കാണിച്ചിട്ടു നീ എന്നേ ഭരമേല്പിച്ച മക്കള് ഇതാ എന്നു പറയുമെന്നു .(മര്തോമ്മാ നസ്രാണികളെയാണു തോമ്മാശ്ളീഹാ കാണിക്കുന്നതു )
ഞാനോര്ക്കുകയായിരുന്നു മുഖകാന്തിയോടെ നില്കുന്ന തന്റെ സഭയേ കാണിക്കുമ്പോള് തലകുനിച്ചു മറ്റോരുകൂട്ടരേയും കാണിക്കില്ലേ ? ഇവരാണു സഭയില് നിന്നും തെറ്റിപോയ മൌലീകവാദികളെന്നും പറഞ്ഞു ഒരു കൂട്ടരേ കൂടികാണിക്കുമെന്നു ഞാന് ചിന്തിക്കുന്നു. അതു പ്രാര്ത്ഥനയില് ഇല്ല.
യൂറോപ്പില് സുവിശേഷം എത്തുന്നതിനുമുന്പു ഒന്നാം നൂറ്റാണ്ടിന്റെ മധ്യത്തില് തന്നെ ഭാരതത്തില് സുവിശേഷം അറിയിച്ചവനാണു തോമ്മാശ്ളീഹാ. മറ്റു അപ്പസ്തോലന്മാരേക്കാള് കൂടുതല് ദൂരം താണ്ടിയവനും ഉയിര്ത്ത യേശുവിനെ ആദ്യമായി ദൈവമായി പ്രഖ്യാപിച്ചവനും നമ്മുടെ പിതാവായ തോമ്മാശ്ളീഹായാണു . അദ്ദേഹത്തെ മറന്നാല് തലമറന്നു എണ്ണതേക്കുന്നതിനു തുല്ല്യം കുറ്റകരമാണു
